Forsi chiovi,
l’amuri arriva comu un timpurali
e ti scummina ‘a ragiuni.
Forsi chiovi,
e dintra ‘u pettu sentu lampi e troni
ca strazzanu lu cori.
Tira lu ventu e trasi ‘no cappottu
dici paroli ca nun ha mai dittu
fa fari cosi ca nun haiu mai fattu
e l’aria nova ti cancella tuttu.
Forsi chiovi,
tutta ‘na vota d’a sira ‘a matina
e nenti è comu prima.
Forsi chiovi,
l’acqua ca scinni astuta la tò arsura
e a terra s’abbivìra.
‘U tempu cangia e nun ti dici quannu
e pensi sempri ca tuccasti ‘u funnu
‘nta l’arma sicca nasciunu li ciuri
talìu lu celu e intantu ancora chiovi.
Forsi chiovi,
e ogni goccia è nota di canzuni
‘na melodia ca nun è cchiù rumuri
scritta ‘nta l’aria ca si po’ cantari.
Forsi chiovi,
e trasi l’acqua dintra li me scarpi
lu cori fermu sentu ca riparti
nun sentu cchiù duluri ora chiovi.
Fili d’argentu finu ‘nta li mani
diamanti grezzi supra ‘i davanzali
e stu mumentu è ‘na benedizioni
c’adduma tuttu ‘u celu quannu chiovi.
Ora c’è u suli,
ma tuttu è diversu,
si senti u sciauru di l’amuri persu,
ca torna sempri comu ‘na timpesta,
ma nuddu ‘u sapi quantu tempu resta.