Oggi è tempu di miraculi
e di guerri di furmiculi
ciriveddi a prova di duluri.
Di ministri ricattabili
e di cardinali stitici
jochi ‘o scuru a rischiu di piaciri
Unni ci chiovi sciddica
è malaerba e crisci supra ‘e muri
Unni ci chiovi sciddica
è malaerba ca nun mori mai
Tempu di minchiati a raffica,
di programmi a presa rapida
picciuteddi a prezzu di favuri.
Di tiranni democratici
e di sucasangu anemici,
tenunu festi e arregalanu tisori.
Unni ci chiovi sciddica
è malaerba e crisci supra ‘e muri
Unni ci chiovi sciddica
è malaerba ca nun mori mai.
Mai, mai, mai,
nun mori mai, mai mai
nun mori mai, mai, mai
nun mori mai.
Ora su tutti contro la mafia,
chianciunu morti e tenunu bannera,
si battunu ‘u pettu,
ma hannu a bursa china
Unni ci chiovi sciddica
è malaerba e crisci supra ‘è muri
Unni ci chiovi sciddica
è malaerba ca nun mori mai
Mai, mai, mai,
nun mori mai, mai mai
nun mori mai, mai, mai
nun mori mai.