Album: Racconti brevi
Plötzlich (s’kunnt guet!)
Wie viel Schätte han i gworfe
Wie viel Kleider han i treit
Wie viel Huut han i abgschtreift
Wie viel Phrasa han i gseit
Wie viel Lüge han i glaubt
Wie viel Schläg han i verteilt
Wie viel Kerze han i glöscht
Wie viel Wunde sind verheilt
Wie viel Täg bliebend no übrig
Wie viel Hoffnig isch no da
Wie viel Sterne sind am Himmel
Wie viel Lieder no nid kho
Wie viel Sunne mag no wärme
Weli Froge sind nid gschtellt
Wie viel Träne sind nid brüelt
Welli Gschicht isch nid verzählt
Und denn halt i plötzlich aa
Und denn stockt uf eimol ds Bluet
Und i wett’s uf sicher haa
Wie’s kunnt – Wie kunnt’s – Kunnt’s guet
Wer kennt d’Wäg wo i bin gange
Wer kennt ds Heiweh nach de Fründ
Wer kennt Träum vo mine Träum
Wer kennt d’Sehnsucht noch de Kind
Wer kennt d’Flüech won i han gmacht
Wer kennt d’Wuet wo isch verglüet
Wer d’Gebet won i han gfleht
Alli Liebi wo hät blüet
Wer kennt d’Feschter wo no kömmend
Wer kennt d’Schmerze wo no sind
Wer kennt d’Stund won i muess go
All die Lüüt wo vor mer stönd
Wer kennt d’Wunder wo no gschehnd
Wie viel Angst isch no in mier
Wer kennt d’Nächt wo uf mi wartend
Wie viel Zit blibt mer mit dier
Und i halte plötzlich aa
Will es stockt uf eimol ds Bluet
Und i wett’s uf sicher haa:
Es kunnt – Es kunnt – ‘s kunnt guet
(Dank an Belisa für den Text)