Mi piaci u ventu in ghjiru, chì friscia trà i spondi
Fila, canta è sunighja, si cala à mezu à i frondi
Si cala pianu pianu, và buffulendu l'onda
Si cala pianu pianu, và buffulendu l'onda
Mi piaci a nivata, sbuccata à a prima ghjira
U so cuscinu biancu, chì a suliata stira.
À i salvatichi spondi, da arietta di diliriu
Imperla u circondu, di cuntenti suspiru
Mi piaci l'infuriata, à fiancu i so staghjoni
Quandi a piena in fiatu, faci scorta à u tonu
Hè d'un altru rispiru, l'intornu 'llu cantonu
Incanta u sughjornu, addulca u rughjonu.
Mi tocca ugni ritrattu, di a natura chì regna
Veni à poni mi in faccia, u locu fora d'impegnu
Imbrasgia, faci turrenti, a tinaci cutrura
Imbrasgia l'accunsentu chì dà fiora è virdura.
Dà, istati in l'inguernu, è vaghjimu à u branu
Certu chì u so campà, hè a pruposta a più sana
À no' d'ùn mai sfruttà issu mudestu prufittu
Pà un rendolu vanu sinu à fà ni un afflittu