Lu tempu è ventu ca sposta li capiddi
grapi li manu e ci trovi meno di nenti
su treni ca ti lassanu fridda la frunti
resti cu i manu all'aria e l'occhi vacanti.
A notti è suduri ca ti vagna tuttu
su centu e milli spini azziccati 'npettu
si ferma lu pinzeri comu rogghiu ruttu
galera è stu linzolu ca ti teni strittu
E' u primu raggiu 'i suli ca ti dona sciatu
e tu si comu l'aria ppi lu carzaratu
l'occhi su celu prontu a lacrimiari
ti lassu mentri dormi cuminciu a caminari
Ogni casa lassata è cosa pirduta
lassu li me muddichi nta la tò strata
si t'arrivigghi mannami na vasata
pigghia li muddicheddi e cangia vita.
(Grazie a Paolo Merlini per questo testo)