I toi idei corrinu sempri pa issu celi
Ma fighjola muti so l'anni chi vanu
E issu mari a l'orizonti oscuratu
Un he tempu cumpagnu marinaru
Pa lu sognu di la tarra natali
Pa lu fiori di l'immurtali paci
Pa lu soffiu di la patria attuali
I to veni battinu sempri d'ardori
Pa u sensu di la strada chi s'apri
E issa fedi a i cunfini mistiriosi
Pa l'abissu di i gluriosi viaghji
Pa lu muscu di la tarra natali
Pa l'eternu di l'immurtali paci
Pa l'innu di la patria attuali
Una vela di biancu e di neru
Tistimonu di u tempu chi fu
A u tempu d'oghji chi ti sfida
Come un segnu dopu a prighera
Pa l'alma di la tarra natali
Pa la prova di l'immurtali paci
Pa la vita di la patria attuali
Vultarani he sicuru dumani
I gran' venti sinceri di libarta
Andarani pa l'immensita
'ssi bateddi missaghjeri d'eternita
Pa l'amori di la tarra natali
Pa lu raghju di l'immurtali paci
Pà l'avvena di la patria attuali