Sardinia mea, regina, mere de su mare
Ti pico a ballare ca cherzo faeddare
Sardinia 'e cantos, Sardinia 'e ispantos
Ti cherzo buliare, ti cherzo frimmare
Cherzo connescher' sa rejone
De sa nostra maledissione
Ello, ello sorre mala, ello sorte mala
Juches in sa cara, in su risu, in sas venas
Sardinia femina mala, su cunnu a su sole
Tue pones. Ispantu! Ite cheres fachere?
Si b’at resposta est in su 'entu
E si b’at bentu fuit 'ia
Ma si naschet unu frore solu
Ue si siat est beranu
Sardinia terra de falsos poetas
E de mortores beros
Ti lasso augurios sintzeros
Sardinia bella, istella 'e su chelu: ti brujes su culu
E a s’inferru tue fales in bolu
Sos perdidores 'scrient s’istoria
Sos binchidores appent sa gloria
Ma si naschet unu frore solu
Ue si siat est beranu
Sardinia mea, regina, mere de su mare
Ti pico a ballare ca cherzo faeddare